Press Release 12.06.2021

Sunday, June 13, 2021

محمد بن اشرف ڈسٹرکٹ پولیس آفیسر چکوال کے حکم پر ملک مجید اختر ڈسٹرکٹ ٹریفک آفیسر چکوال کی خصوصی ہدایات پر سوشل میڈیا پر وائرل ہونے والی ویڈیو جس میں نوجوان نے چنگ چی رکشہ پر ویلنگ کی۔ کرتب دکھانے والے نوجوان کو انسپکٹر تصور عباس نے اپنی ٹیم کے ہمراہ پکڑ لیا۔ جو کہ کم عمر ہونے کی وجہ سے بچہ کے والد کو بلوایا گیا اور والد کی جانب سے تحریری یقین دہانی کروانے پر بچہ کو والد کے حوالے کر دیا گیا۔

ملک مجید اختر ڈسٹرکٹ ٹریفک آفیسر چکوال نے والدین سے اپیل کی ہے کہ اپنے کمسن اور نوجوان بچوں کی حرکات پر کڑی نگاہ رکھیں اور انہیں ون ویلنگ اور سٹنٹ جیسے جان لیوا اور غیر قانونی کھیل سے باز رکھیں تا کہ آپ کے بچوں اور دیگر روڈ یوزرز کی جان و مال محفوظ رہیں۔

 آپ کے محفوظ سفر کے لئے کوشاں - ٹریفک پولیس چکوال