چکوال پولیس
انسپکٹر جنرل آف پولیس پنجاب انعام غنی کے احکامات پر چکوال پولیس کی طرف سے سٹینڈرائزڈ پولیس سروس کارڈز کا اجراء شروع کر دیا گیا
محمد بن اشرف ڈسٹرکٹ پولیس آفیسر چکوال نے ہیومن ریسورس منیجمنٹ انفارمیشن سسٹم کے ذریعے پولیس کارڈز جاری کرنے کے احکامات جاری کیے انہوں نے کہا کہ دوران ڈیوٹی تمام رینک کے افسران کے پاس نئے کارڈز موجود ہونا ضروری ہے اور انچارج ایچ آر ایم آئی ایس تمام پولیس افسران کو کارڈ جاری کرنے کا ذمہ دار ہے تمام حاضر سروس پولیس افسران کی بغیر کیپ کے یونیفارم والی تصویر کارڈ پر آویزاں ہوگی
تمام کارڈز کا دورانیہ 4 سال کیلئے ہوگا لیکن رینک میں تبدیلی یا ٹرانسفر کی صورت میں نیا کارڈ حاصل کیا جاسکتا ہے، شناختی کارڈ گم ہونے کی صورت میں فوری طور پر تھانے میں رپورٹ درج کروانا ہوگی
کرائم کی صورت حال کی بات کی جائے تو وقار عظیم SDPO صدر سرکل کی سربراہی میں امتیاز بٹ SHO تھانہ ڈھڈیال اور انکی ٹیم میں محمد امین ASI نے کارروائی کرتے ہوئے ملزم امیر افسر ساکن سرکال کے قبضہ سے پسٹل 30 بور برآمد کرکے اسکے خلاف مقدمہ درج کر لیا اسی طرح علی عباس سب انسپکٹر تھانہ ڈھڈیال نے کارروائی کرتے ہوئے ملزم خلیل عباس ساکن سرکال کسر کے قبضہ سے پسٹل 30 بور برآمد کرکے اسکے خلاف بھی مقدمہ درج کر لیا
ضمیر حسین SHO تھانہ سٹی چکوال اور انکی ٹیم میں عاطف حسین ASI نے کارروائی کرتے ہوئے ملزم شوکت علی ولد عاشق حسین ساکن محلہ غربی چکوال کے قبضہ سے 4500 پتنگیں برآمد کرکے اسکے خلاف مقدمہ درج کر لیا
سکندر گوندل SDPO تلہ گنگ کی سربراہی میں فیصل ندیم SHO تھانہ ٹمن اور انکی ٹیم میں فیصل ربانی ASI نے کارروائی کرتے ہوئے منشیات فروش عبدالخالق ساکن کھوئیاں کے قبضہ سے 1 کلو 460 گرام چرس برآمد کرکے اسکے خلاف مقدمہ زیردفعہ 9C CNSA درج کرلیا جبکہ دوسری کارروائی میں ارشد عباس شاہ ASI نے کارروائی کرتے ہوئے ملزم مظہر حسین ساکن کھوئیاں کے قبضہ سے 320 گرام چرس برآمد کرکے اسکے خلاف مقدمہ زیردفعہ9B CNSA درج کرلیا گیا